ქალბატონი, რომელსაც სურათში ხედავთ,  ამ პატარა გოგონას დედაა. მან გოგონა სასეირნოდ ჩამოიყვანა ბაღში და  თავად კი ალკოჰოლის ჭარბი დოზით მიღების გამო დაიძინა. აღნიშნული ბარი მდებარეობს გლდანის პირველ მიკროში, მაღაზია “ორ ნაბიჯსა” და მაღაზია “wow”- თან.

საინფორმაციო პორტალი Bulvari.ge-ს დაუკავშირდა თვითმხილველი ქალბატონი, რომელიც აღნიშნულ ფაქტს შეესწრო:

“აქვე ვცხოვრობ და ბავშვებს ხშირად ვასეირნებ ხოლმე ამ ბაღში, ამ ქალბატონსაც ხშირად ვხედავ ნასვამ  და მძინარე მდგომარეობაში. ხოლო პატარა დასტრიალებს  თავს და ეძახის გაიღვიძეო.  გუშინ საღამოს როცა  პატარა დედას ეძახდა და დედას გათიშული ეძინა იქვე შორიახლოს სამი ახალგარზდა მამაკაცი იდგა, მე გავიგონე რომ  მამაკაცები ბავშვზე ამბობდნენ წავიყვანოთო, მე შემეშინდა  პატარასთვის რამე არ დაეშავებინათ და ბავშვთან მივედი. ვუთხარი რომ თუ იცნობდა  ამ ბიძიებს, ბავშვმა უარი განაცხადა. ვუთხარი თუ არ იცნობ არ გაყვე თქო. პატარამ დამიჯერა და ერთად ველოდებოდით ღამის 11 საათამდე  როდის გაიღვიძებდა დედა. ბავშვი განუწყვეტლივ კითხულობდა როდის გაიღვიძებს რომ წავიდეთო, მერე ისიც მთხოვა ჩემი დედა იყავიო. შეძრწუნებული ვარ,  მინდა რომ რამეთი დავეხმაროთ, ძალიან გთხოვთ გაავრცელოთ ეს ინორმაცია,  იქნებ  მიაღწიოს შესაბამის ორგანოებამდე და დავიცვათ  პატარა მარი საფრთხისგან” – აცხადებს თვითმხილველი.

წყარო: bulvari.ge